د هرات محصولي ګمرک د جومات او د دخولي او خروجي دروازو د بیارغوني چاري بشپړي سوې!
د مالیې وزارت د ګمرکونو لوی ریاست د شاوخوا (۷۰۰) زره افغانیو په ارزښت د هرات محصولي ګمرک د جومات او د دخولي او خروجي دروازو د بیارغوني چاري بشپړي او ګټي اخیستني ته وسپارلې.
د یادي پروژې چاري په څلورو میاشتو کي بشپړي سوي، چي لګښت ئې د مالیې وزارت له پراختیایې بودیجې څخه ورکړل سوی او په پلي کېدو سره ئې د ګمرک کارکوونکو او مراجعینو ته ګڼي اسانتیاوي برابري سوي دي.
د یادوني وړ ده، چي د ګمرکونو لوی ریاست اوسمهال د هیواد په بېلابېلو ګمرکونو کي ګڼي پراختیایي پروژې پیل کړي، چي د ځینو پروژو چاري پای ته رسېدلي او د ځینو پروژو چاري لا رواني دي.
