د ننګرهار په ګمرک کي (۲۸۴) کیلو ګرامه ثانیه سوز نیول سوي!
د ننګرهار ګمرک د تشرېح مدیریت کارکوونکو په یوه سوداګریزه محموله کي (۲۸۴) کیلوګرامه ثانیه سوز کشف او ترلاسه کړي.
دغه ممنوعه توکي په ډېره ځیرکتیا سره په لېږدوونکي وسیله کي ځای پر ځای سوي ول او تورنو کسانو غوښتل، چي په پټه ئې له ګاونډي هیواد څخه افغانستان ته راوړي.
د پېښي په تړاو څلور کسان لاس په لاس نیول سوي دي او د نورو اجراآتو له پاره اړوندو ارګانونو ته سپارل سوي دي.
د یادوني وړ ده، چي اوس مهال د مالیې وزارت له لوري د هیواد په ټولو ګمرکونو کي د قاچاقي او ممنوعه توکو څخه په جدي ډول څارنه کېږي او هيچا ته اجازه نه ورکول کېږي، چي توکي په ناقانونه توګه ولېږدوي.
