په کندهار کي غیر قانوني لېږدېدونکي چاکلېټ او انساني درمل نیول سوي دي!
د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د کندهار ولایت په بېلابېلو سیمو کي د (۱۲۰۰۰) کیلو ګرامه چاکلېټو او (۱۷۸۸) کیلو ګرامه انساني درملو د قاچاق مخه نیولې.
یاد قاچاقي توکي په پټه افغانستان ته راوړل کېدل، چي په تړاو ئې نیول سوي تورن کسان او قاچاقي توکي د نورو اجرآاتو له پاره د کندهار ولایت ګمرک ته سپارل سوي دي.
د یادوني وړ ده، چي اوس مهال د مالیې وزارت د ګمرکونو لوی ریاست د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ورکوي، چي ممنوعه او قاچاقي توکي صادر او یا وارد کړي.
