د فاریاب ولایت د آقینې ګمرک کارکوونکو ته د ګمرکي قوانینو په تړاو روزنیز پروګرام پیل سو!
د ګمرکونو او عوايدو ملي اکاډمۍ د روزونکو له لوري د (۱۴۰۳هـ.ل) کال د تدریسي پلان له مخي د ساحوي روزنیزو پروګرامونو په لړ کي د آقینې ګمرک کارکوونکو ته د ګمرکي مسایلو او قوانینو د زده کړي او د کارکوونکو د ظرفیت لوړوني په موخه د ګمرکونو قانون، ګمرکي کړنلارو، ګمرکي بيي ټاکني، تعرفې او اړوندو برخو کي روزنیز پروګرام پیل سو.
یاد روزنیز پروګرام به (۱۵) ورځي دوام وکړي او د دغه ګمرک د کارکوونکو وړتیا ته په کتو سره به د دوی مسلکي اړتیاوي ور پوره او شته ستونزي به ئې حل کړای سي.
