مالي کال د مالي پلان سره سم له لاسته راوړنو ډک او بریالی کال وو!
پر هیواد د یو لړ بهرنیو مالي محدودیتونو په شتون کي؛ بیا هم له مالي پلان سره سم (۱۴۰۲) کال په مالي او اقتصادي لحاظ د لاسته راوړنو ډک او بریالی کال وو.
په (۱۴۰۲هـ.ل) مالي کال کي د مالیې وزارت له لوري ملي عواید په شفاف ډول راټول سول، ملي بودیجه په ګټوره توګه مدیریت سوه، د دولت ټول عادي او پراختیایي لګښتونه، چي د تېر کال په پرتله زیات ول، په ټاکلي وخت اجراء سول، د ملي بودیجې په مټ یو لړ مهمي اقتصادي پروژې پلي سوې، سوداګرۍ پراختیا ومونده او په ټولیز ډول د تېر کال په پرتله د هیواد اقتصادي وضعیت ښه والی ومونده.
په ټوله کي (۱۴۰۲) مالي کال د تېر کال په پرتله په ملي کچه د مالي مدیریت او اقتصادي پیاوړتیا په برخه کي له لاسته راوړنو او پرمختګونو څخه ډک کال وو، چي له ګټورو تجربو څخه به ئې په (۱۴۰۳) مالي کال کي د ملي اقتصاد د لا پیاوړتیا په موخه په بېلابېلو مهمو برخو کي، ګټه واخیستل سي.
