د سپین بولدک په سرحدي ګمرک کي د المونیمي خښتو له قاچاق څخه مخنیوی وسو
د سپین بولدک سرحدي ګمرک منسوبینو تېره ورځ په یوې صادراتي محموله کي د (۶۵) المونیمي خښتو چي مجموعي وزن یې (۲.۳) دوه عشاریه درې ټنه کیږي، له قاچاق څخه مخنیوی وکړ.
ذکر سوي المونیمي خښتي چي په ډېر مهارت سره د بار وړونکي موټر د تیلو په ټانکۍ کي ځای پر ځای سوي وې، غوښتل ئې پاکستان هیواد ته ئې قاچاق کړي.
د یادوني وړ ده چي د افغانستان اسلامي امارت د رهبرۍ په هدایت له صنعتي فابریکو څخه د ملاتړ په موخه له هیواد څخه د هر ډول اوسپنو، المونیمو او داسي نورو فلزاتو، چي په کورنیو فابریکو کي ترې کار اخیستل کیږي، صادرول ئې په مطلق ډول بند دي.
