د ریاست الوزراء اقتصادي او اداري کمېسیونونو ته د بودیجې استماعیه وړاندې سوه
د مالیې وزارت له لوري د ۱۴۰۲ مالي کال د بودیجې هراړخیزه استماعیه د ریاست الوزراء اقتصادي او اداري مرستیالانو، محترم الحاج ملا عبدالغني برادر اخند او محترم مولوي عبدالسلام حنفي او د اسلامي امارت د کابینې د یو شمیر وزیرانو او مسؤلینو په حضور کي وړاندي سوه.
په دغه غونډه کي، چي د مالیې وزارت په خیبرصالون کي جوړه سوې وه، د مالیې وزارت د ملي بودیجې لوی ریاست له لوري د ۱۴۰۲ مالي کال لپاره د بوديجې ترتيب سوی سند د ټولو ارقامو سره شريک سو، ددې تر څنګ د راتلونکي کال د عوايدو سطحه، احتمالي کسر، د لګښتونو پر کنټرول او ځيني نورو مهموموضوعاتو باندي هم بحث وسو.
تر تفصيلي استماعيې وروسته د ګډونوالو له خوا د ۱۴۰۲ مالي کال ملي بودیجې اړوند ټولو برخو کي پوښتني، نظریات او وړاندیزونه د ماليې وزارت سره شریک سول.
د بوديجې رياست به د همدې لارښونو په ړنا کي د بوديجې سند نور هم غني کړي او بیا به يې د تصويب لپاره د اسلامي امارت د کابینې سره شريک کړي.
