د تېز رفتاره موټرو ګمرکي وارداتي تعرفه ټیټه سوه
د ګمرکونو لوی ریاست په وړاندیز، د تعرفې کمېټې د پرېکړي او د مالیې وزات مقام د منظورۍ پر اساس د ۲۰۱۳ کال څخه تر ۲۰۲۲ موډل لرونکو موټرو ګمرکي وارداتي تعرفه ټیټه سوه.
د دغه پرېکړي له مخي د یادو تېز رفتاره موټرو ګمرکي تعرفه د سلنډر، حجم او سي سي ته په کتو سره په دې ډول ټیټه سوه:
هغه موټر چي تعرفه يې پخوا ۷۰ سلنه وه؛ اوس ۴۰ سلني ته، هغه موټر چي تعرفه يې پخوا ۶۰ سلنه وه اوس ۳۰ سلني ته او هغه چي تعرفه یې ۴۰ سلنه وه اوس یې تعرفه ۲۰ سلني ته ټیټه سوه.
د ګمرکي تعرفې له مخي د وروستیو لسو کلونو ماډل پرته هیواد ته د نورو تېز رفتاره موټرو واردول منعه دي.
د یادوني وړ ده، چي د یادو تېز رفتارو موټرو د ګمرکي تعرفې کمولو څخه موخه د هیواد په بازارونو کي د زړو موټرو پر ځای د نوي ماډل موټرو او د ملي عوایدو زیاتوالی دئ.
