په روان ۱۴۰۲ مالي کال کي هري ولسوالۍ ته پنځه میلیونه افغانۍ ځانګړې پراختیایي بودیجه ورکړل سوې وه!
د عالیقدر امیرالمؤمنین (حفظه الله) د حکم پر بنسټ په (۱۴۰۲) مالي کال کي د ملي بودیجې له پراختیایي برخي څخه بېله، د هیواد هري ولسوالۍ ته (۵) میلیونه افغانۍ بودیجه ځانګړې سوې وه، چي موخه ئې په یادو سیمو کي رغونه او بیا رغونه وه.
دغه ځانګړې سوې بودیجه په ولسوالیو کي د ولایتي ادارې په همغږۍ په خپلواکه توګه لګول کېده، چي ستره برخه ئې د ولسوالیو رغونه، بیا رغونه، د تأسیساتو ساتنه، څارنه او لومړيتوب لرونکي پروژې وې.
دغه ټاکل سوې بودیجه د روان (۱۴۰۲) مالي کال تر پای ته رسېدو مخکي د کورنیو چارو وزارت په همکارۍ په ولسوالیو کي په ذکر سوو اړینو کوچنیو پراختیایي پروژو ولګول سوه.
د یادوني وړ ده، چي د دغي بودیجې په واسطه په ولسوالیو کي ځیني پروژې بشپړي سوي او ځیني نوري به د روان مالي کال تر پایه پوري بشپړي سي.
