ننگرهار گمرک کي مشکوک توکي نیول سوي
د ننگرهار گمرک د تشریح برخي کارکوونکو تېره ورځ د یو بارونکي موټر د پلټنې پر مهال ۹ قلمه مشکوک توکي چي په دوو کارتنونو کي ځای پر ځای سو وو او غوښتل یې له پاکستان هیواد څخه یې افغانستان ته راوړي، کشف او ونیول.
په یادو توکو کي( ۲۴بنډله پټاقئ، ۲۵ دانې ارې، ۵دانې لینونه، ۱۹ دانې تختې، ۱۰ دانې برښنایې WALON، ۴ دانې VFD-M دستگاوي، ۵ دانې ډاینمو او ۲۴ بنډله لین لرونکي پتري شامل دي، چي له یادو توکو څخه په چاودنو او نورو تخریبي کړنو کي کار اخیستل کیږي.
په دې تور دوه تنه نیول سوي چي د نورو څیړنو لپاره امنیتي ارگانونو ته سپارل سوي دي.
همداشان تېره ورځ د ننگرهار گمرک کارکوونکو له لوري شاوخوا ۳۵۰ کارتنه (Tea Whitener) چي په بازار کي د شیدو په نوم پلورل کیږي او واردول یې هیواد ته ممنوع دي، هم نیول سوي دي.
