مالیې وزارت نویو ګمارل سویو کارکوونکو ته د دویم پړاو درې ورځنې روزنیز پروګرام پای ته رسېدو بری لیکونه ورکړل
د مالیې وزارت بشري سرچینو ریاست له لوري، د یاد وزارت په خیبرصالون کې نویو ګمارل شویو کارکوونکو ته په بېلابېلو اداري برخو کې د دویم پړاو درې ورځني روزنیز پروګرام پای ته رسېدو بری لیکونه ورکړل.
په دغه درې ورځني روزنیز پروګرام کې چې د بشري سرچینو ریاست له لورې یې د وړتیا لوړونې پروګرام پرمخ وړل کېده او د مالیې وزارت د اړوندو ادارو یو شمېر نویو ګمارل سویو کارکوونکو ګډون پکې کړی وو، په بریالۍ توګه پای ته ورسېده.
د بشري سرچینو ریاست مسؤلینو نویو ګمارل سویو کارکوونکو ته د یاد پروګرام د بریالي ترسره کېدو د مبارکۍ ترڅنګ وویل، چې تاسو د هیواد او خلکو پر وړاندې مسؤل یاست او تاسو ته د خدمت کولو دروند مسؤلیت در پر غاړه سوی دئ. تاسو به له خپلې وړتیا او دغه دریو ورځو زده کړو عظمي ګټه اخلئ، او د یوې مسلکي او کاري ادارې چې غوره خدمتونه وړاندې کړي کار وکړئ.
د یادونې وړده، چې یاد روزنیز پروګرام درې ورځې ( د سلواغې له ۳۰ مې د کب تر ۲ مې نېټې پورې) دوام درلود او دغه لړۍ به په نورو ولایتونو کې هم پیل شي.
