له ګاونډي هیواد ایران سره د افغانستان سرحدونه او ګمرکونه په عادي ډول پرانیستي دي
د غبرګولي ۲۵مه ۱۴۰۴هـ.ل
نن یکشنبه د (۱۴۰۴هـ.ل) کال د غبرګولي په (۲۵مه) نېټه له ګاونډي هیواد ایران سره د افغانستان سرحدونه او ګمرکونه پرانیستي دي، ګمرکي او سوداګریزي چاري له کومي ستونزي پرته په عادي ډول رواني دي.
همدارنګه د ایران اسلامي جمهوریت په بندر عباس کي هم د افغانستان د سوداګریزو توکو بارګیري له کومي ستونزي پرته په عادي ډول روانه ده.
د یادولو وړ ده، چي یواځي تېره ورځ د فراه ولایت د ابونصر فراهي او نیمروز ولایت او د ایران لوري ګمرکونه په دغه هیواد کي د ځینو مراسمو ترسره کولو په موخه تړل سوي ول، چي نن بيرته پرانیستي او چاري ئې د پخوا په څېر مخته ځي.
