د ګمرکونو او عوایدو معین د هرات له والي سره وکتل!
د مالیې وزارت د ګمرکونو او عوایدو معین الحاج مفتي عبدالمتین سعید، نن په خپل کاري دفتر کي د هرات ولایت له والي شیخ مولانا اسلام جار صاحب سره وکتل.
په دې کتنه کي دواړو لوریو د عالیقدر امیرالمؤمنین (حفظه الله تعالی) د حکم له مخي د اسلام کلا په سرحدي ګمرک کي د خصوصي سيکټور او د اسلامي امارت د مشارکت پر بنسټ، د وارداتي او صادراتي توکو د تخلیې او بارګیرۍ او اقتصادي فعالیتونو ته د ځانګړي ځای په چمتو کولو، په خپل وخت سره د سوداګرو ستونزو ته پر رسېدو او دوی ته د لازمو اسانتیاوو پر برابرولو او د یو شمېر نورو موضوعاتو په اړه بحث او خبري وکړې.
د یادوني وړ ده، چي له دې وړاندي هم د ګمرکونو او عوایدو معین په خپلو ولایتي سفرونو کي سوداګرو ته د اسانتیاوو د رامنځته کېدو او د دوی ستونزو د حل په موخه د بېلابېلو ولایتونو له مسؤلینو سلا مشورې کړي دي.
