د ګمرکونو او عوایدو معین او د عوايدو لوی رياست مشرتابه د ټرانسپورټ او هوايي چلند وزارت د مالي او اداري معين سره وکتل
د مالیې وزارت د ګمرکونو او عوایدو معین الحاج مولوي عبدالقاهر ادریس د مالیې وزارت د عوایدو لوی رئیس الحاج شیرمحمد مشفق او د غیر مالیاتي عوایدو رئیس امان الله امین او د مالیې وزارت د عوایدو لوی ریاست د یو شمېر نورو مسؤلینو په حضور کي د ګمرکونو او عوایدو معینیت د غونډو په تالار کي د ټرانسپورټ او هوايي چلند وزارت له مالي او اداري معین حافظ انجنير صدیق الله عابد او د دغه وزارت د عوایدو د تنظیم رئیس عظیم الله کامران سره ولیدل.
په دې کتنه کي د ټرانسپورټ او هوايي چلند وزارت د عوایدو راټولولو پر وضعیت، عایداتي فرصتونو او د عوایدو د لوړېدو په برخه کي د شته ستونزو پر هوارۍ بحث او خبري اتري وسوې.
د مالیې وزارت د ګمرکونو او عوایدو معین د ټولو امارتي ادارو د عوایدو د وضعیت د ښه والي په برخه کي د لا زیاتو اسانتیاوو برابرولو په موخه د هر اړخیزي همکارۍ ډاډ ورکړ.
