د کورنۍ پلټني لوی ریاست (۱۱۷) تنه کارکوونکي د پلټني له روزنیز پروګرام څخه فارغ سول!
د مالیې وزارت د کورنۍ پلټني لوی ریاست (۱۱۷) کارکوونکي د اداري پلټنو اړوند برخو کي له (۳۷) ورځني روزنیز پروګرام څخه فارغ سول.
په جوړه سوې غونډه کي د مالیې وزارت د اداري او پالیسي چارو معینانو او نورو مسؤلینو ګډون کړی وو او ممتازو فارغانو ته ستاینلیکونه هم ورکړل سول.
د مالیې وزارت اداري معین مولوي دوست محمد مخلص وویل، چي له فساد سره جدي مبارزه، په احسنه توګه د مسؤلیتونو ترسره کول او له بیت المال څخه ساتنه د ټولو مسؤلینو ستر مسؤلیتونه دي او په دې برخه کي به د کورنۍ پلټني لوی ریاست سره، په ګډه جدي کار کولو ته دوام ورکوي.
د یادوني وړ ده، چي د کورنۍ پلټني لوي ریاست د مالیې وزارت په ادارو کي د فساد د مخنیوي، پر وخت د خدمتونو وړاندي کولو او په چارو کي د پرمختګ او د قیقي بررسۍ په وسیله د ادارو د کاري ظرفیت لوړولو په برخو کي فعالیت کوي.
