د کورنۍ پلټني لوی ریاست پلاوي لوګر، پکتیا، پکتیکا او خوست ولایتونو ته سفر وکړ!
د زمري۲۶مه، ۱۴۰۴ هـ.ل
د مالیې وزارت د کورنۍ پلټني لوی ریاست د عوایدو او ګمرکونو پلټني رئيس ښاغلي مولوي نورالحق نوراني په مشرۍ پلاوي د چارو د هر اړخیزي ارزوني په موخه لوګر، پکتیا، پکتیکا او خوست ولایتونو ته سفر وکړ او هلته ئې د مستوفیتونو په ګډون د پکتیا، پکتیکا او خوست ولایتونو له ګمرکونو څخه په جلا توګه لیدنه وکړه او د پلټونکو له لوري د ورکړل سویو اصلاحي سپارښتنو تطبیق ئې تعقیب کړ.
د کورنۍ پلټني لوی ریاست پلاوي د جلا ناستو په ترڅ کي د یادو ادارو له مسئولینو سره په خبرو کي د دې ریاست د پلټونکو او همدارنګه د فرمانونو او حکمونو د تعقیب او نظارت لوی ریاست اړوند د پلټني معاونیت د پلټونکو له لوري د ورکړل سویو سپارښتنو پر تطبیق ټینګار وکړ، د دوی پوښتنو ته ئې ځوابونه وویل او د هغو مواردو په اړه، چي یادو ادارو ملاحظات لرل لازم وضاحت ورکړ.
پلاوي له اړوندو مسئولینو څخه وغوښتل، چي د پلټني د اغېزمنتوب او چارو د سمون په موخه د پلټني سپارښتني پر ټاکلي وخت تطبیق او راپور ئې د کورنۍ پلټني له لوی ریاست سره شریک کړي.
