د کورنۍ پلټني لوی رئیس د هیواد لوېدیځو ولایتونو ته سفر وکړ
د سلواغې لومړۍ ۱۴۰۴هـ.ل
د مالیې وزارت د کورنۍ پلټني لوی رئيس الحاج ملا عبدالهادي ابرار په مشرۍ پلاوي د چارو د هر اړخیزي ارزوني په موخه د کندهار، هلمند، ارزګان او زابل ولایتونو د مستوفیتونو او همدارنګه د کندهار له ګمرک څخه په جلا توګه لیدنه وکړه او د پلټونکو له لوري د ورکړل سویو اصلاحي سپارښتنو تطبیق ئې تعقیب کړ.
د کورنۍ پلټني لوی رئيس او مل پلاوي د تېرو پلټنو په لړ کي د پلټونکو له لوري د ورکړل سویو اصلاحي سپارښتنو د تطبیق بهیر له نږدې څخه تعقیب کړ، چي په پایله کي ئې یادو ادارو ډېری سپارښتني پلي کړي وې او د پاتي سپارښتنو د ژر پلي کېدو ژمنه ئې وکړه.
په پای کي د کورنۍ پلټني لوی رئیس د دغو ادارو د مسئولینو او کارکوونکو ستونزي او غوښتني واورېدې، چي د ښې رسېدني په موخه به ئې ژر تر ژره د وزارت له مشرتابه سره شریکي کړي.
