د کندهار ګمرک رئیس د تازه مېوو له واردوونکو سوداګرو سره وکتل
د کندهار ګمرک رئیس الحاج مولوي سفر محمد سحر په خپل کاري دفتر کي د تازه مېوو له واردوونکو یو شمېر سوداګرو سره ولیدل او د هغوی ستونزي او غوښتني ئې واورېدې.
په پیل کي یادو سوداګرو د ګمرکي طی مراحلو، بانکونو، د قاچاق د مخنیوي او په یو شمېر نورو برخو کي خپلي ستونزي د کندهار ګمرک له رئیس سره شریکي کړې.
د کندهار ګمرک رئیس دوی ته ډاډ ورکړ، چي سته امکاناتو او اصولو ته په کتو سره سم به د دوی ستونزو ته ژر تر ژره رسېدنه وسي.
د یادوني وړ ده، چي د مالیې وزارت د ګمرکونو لوی ریاست رهبري تل د ولایتي ګمرکونو مسئولینو ته د هیودوالو په ځانګړي ډول د سوداګرو د ستونزو اورېدو او هغوی ته د اصولو په رڼا کي د مناسبو حل لارو د پیدا کولو سپارښتني کړي دي.
