د هيواد په بېلابیلو ولایتونو کي ګڼ شمېر قاچاقي توکي نیول سوي دي!
د مالیې وزارت د ګمرکونو لوی ریاست د ګرځنده څارني ځیرکو کارکوونکو تېره اوونۍ د فراه، ننګرهار، نیمروز، هرات او کندهار په ولایتونو کي بېلابیل قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۶۰۰۰) کیلو ګرامه چاکلېټ، (۱۰۶۰۸) کیلو ګرامه رُب، (۲۹۴) کیلو ګرامه پلاستیکي کڅوړي، (۱۰۶۸) کیلو ګرامه لواشک، (۱۶۰) کیلو ګرامه زراعتي درمل او (۵۹) کارټنه غوړي شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ورکوي، چي ممنوعه او قاچاقي توکي صادر او یا وارد کړي.
