د هرات ګمرک کي د دو سوداګریزو محمولو سره جعلي ګمرکي سندونه ونیول سول
د هرات ګمرک د خروجي دروازې مسؤلینو په لسګونو کارتنه چاکلیټو بار دوې سوداګریزي محمولې، چې غوښتل ئې د ګمرکي محصول له ورکړي پرته په جعلي سندونو له ګمرک څخه ووځي، ونیول سول.
په دغو بار وړونکو موټرو کي په مجموعي ډول (۶۰۴۷۸) کیلو ګرامه چاکلیټ ځای پر ځای سوي وو، چي ګمرکي محصول ئې (۲ میلیونه ۶۷۶ زره) افغانۍ کېږي.
یاد سوداګریز توکي چي په یوه خصوصي سوداګریز شرکت پوري تړلي وو، په پېښه تورن کسان نیول سوي او د نورو څېړنو لپاره امنیتي ارګانونو ته معرفي سوي دي.
