د نیمروز ګمرک کار کوونکو ته د ګمرکي چارو په اړه روزنیز پروګرام پیل سو!
د مالیې وزارت د ګمرکونو او عوايدو ملي اکاډمۍ د (۱۴۰۳هـ.ل) مالي کال له تدریسي پلان سره سم د ساحوي روزنیزو پروګرامونو په ترڅ کي د نیمروز ولایت د ګمرک کارکوونکو ته (۱۵) ورځنی روزنیز پروګرام پیل سو.
په دغه روزنیز پروګرام کي کارکوونکو ته د ګمرکونو د قانون، ګمرکي کړنلارو، ګمرکي بيي ټاکني، تعرفې او ګمرکي اظهارلیکونو د ډکولو په اړه د یادي اکاډمۍ د مجربو ښوونکو له لوري په عملي او نظري ډول روزنه ورکول کېږي.
له دغه روزنیز پروګرام سره به په یادو ګمرکي برخو کي د کار کوونکو کاري ظرفیتونه لوړ سي او په اړوندو چارو کي به د ستونزو د حل په برخه کي ګټوري پایلي ولري.
