د نیمروز ګمرک د ګرځنده څارني کارکوونکو بېلابېل قاچاقي توکي نیولي دي
د نیمروز ګمرک د ګرځنده څارني کارکوونکو د دې ولایت په بېلابېلو سیمو کي یو شمېر قاچاقي توکي، چي غوښتل ئې افغانستان ته ئې واړوي کشف او نیولي دي.
په نیول سوو توکو کي (۲۰۷۷۱) کیلو ګرامه چاکلېټ او ککو، (۹۶۰) کیلو ګرامه رُب او (۱۱۲۸) کیلو ګرامه مالټې شاملي دي. ترلاسه سوي توکي د نورو اجراآتو لپاره د نیمروز ګمرک ته سپارل سوي دي.
د یادوني وړ ده، چي د هیواد په ټولو ګمرکونو کي د ګرځنده څارني کارکوونکي هیڅ چاته اجازه نه ورکوي، چي سوداګریز توکي پټ او په ناقانونه توګه ولېږدوي.
