د نړیوالو مرستندویانو Donors Head of Agencies د رهبرۍ پلاوي ناسته وشوه
د ماليې وزارت د سرپرست محمد خالد پاینده په مشرۍ ناسته چې د نړیوالو پراختیایي بنسټونو رﺉيسانو، د ماليې وزارت د پالیسۍ مرستیال نذیر کبیري او د دې وزارت یو شمېر ريیسانو ګډون کړی وو، په مجازي Virtual ډول تر سره شوه.
په ناسته کې په دې حساسو او تاریخي شرایطو کې د څارنې او همغږۍ ګډ بورډ JCMB ناستې د بریالي تر سره کېدو په پایلو، د عامه مالي مدیریت ښه کېدو په برخه کې د مالیې وزارت په کړنو او په هېواد کې د را پېښ وضعیت په پام کې نيولو سره د کال د منځنۍ برخې بودیجه کې په اصلاحاتو او بدلونونو، د اساسي خدمتونو د ملاتړ امکاناتو د ارزونې، د بېځایه شویو بحران ته د ښه رسېدو، د روغتیا او پوهنې اساسي لومړیتوبونو، وچکالۍ او ملي بوديجې د تمویل په تړاو هر اړخیزې خبرې اترې وشوې او په اړه يې اړین تصمیمونه ونیول شول.
