د ننګرهار په ګمرک کي (۱۲۳) کیلو ګرامه ثانیه سوز نیول سوي!
د ننګرهار ګمرک د تشرېح برخي کارکوونکو تېره ورځ په یوه وارداتي سوداګریزه محموله کي (۱۲۳) کیلو ګرامه ثانیه سوز کشف او نیولي دي.
دغه ثانیه سوز مواد، چي په ډېر مهارت په لېږدوونکې وسیله کي ځای پر ځای سوي ول او قاچاق کوونکو غوښتل، په پټه ئې افغانستان ته راوړي ترلاسه سول.
په دې تور نیول سوي دوه کسان د نورو څېړنو له پاره اړوندو ارګانونو ته سپارل سوي دي.
د یادوني وړ ده، چي اوسمهال د هیواد په ګمرکونو کي د قاچاقي او ممنوعه توکو د وړلو او راوړلو جدي څارنه کېږي، چي پکښې ښکېل کسان تعقیب او د قانون منګولو ته سپارل کېږي.
