د ننګرهار ولایت د ګمرک مسؤلینو د قاچاق مخنیوی وکړ
تېر ماښام د ننګرهار ولایت ګمرک ته ورڅېرمه د پلټني او تالاشیو یا چک پوسټونو مدیریت کي د دې ګمرک د مسؤلینو له لوري ګاونډي هیواد ته څلور بوجۍ د مرمیو پوچکونه (کارتوس) چي په ناقانونه او قاچاقي توګه لېږدول کېدل نیول سوي دي.
د ننګرهار ولایت ګمرک د مسؤلینو په خبره په دې تړاو یې تر دې دمه یو تن نیولی، چي د ننګرهار ولایت د امنیې قوماندانۍ ته یې د لازیاتو پوښتنو او ګروېږنو په موخه استولی.
د یادونې وړده، چي د اسلامي امارت له راتګ وروسته د ننګرهار ولایت په ګمرک کي دا څویم ځل دئ، چې ګاونډي هیواد ته د قاچاق او توکو د غیر قانوني اوښتني مخنیوی کېږي. د دې ولایت د ګمرک مسؤلین وایي چې دوی چمتو دي ترڅو د هیواد له شتمنیو او هیوادوالو له ملکیتونو په کله دفاع او ساتنه وکړي.
