د مالیې وزیر د کجکي برېښنا بند څخه لیدنه وکړه
په دې لیدنه کي د مالیې له وزیر الحاج ملا هدايت الله بدري سره یو شمېر دولتي چارواکو، د سیمي قومي مخورو او علماوو ملتیا کوله د کجکي برېښنا بند او د هغه ترکي شرکت چي هلته یې پانګونه کړې ده لیدنه وکړه او د دې شرکت د ترسره سوو کارونو ستاینه یې وکړه.
د مالیې وزیر د یاد شرکت له مسؤلینو سره په خبرو کي د دوی د چارو د ستایني ترڅنګ وویل، چي موږ غواړو دغه شرکت د افغانستان په نورو برخو کي هم پانګونه وکړي. نوموړي زیاته کړه، چي افغانستان اوس مهال د هر راز پانګوني لپاره ښه فرصتونه لري او په دې برخه کي هیڅ راز امنیتي ستونزه نسته.
