د مالیې وزارت نوماند وزیر او سرپرست د بدخشان ولایت د شهدا ولسوالۍ له قومي مشرانو او مخورو سره په یادې ولسوالۍ کې د ۴۰ کیلو متره سړه په جوړیدو خبرې وکړې
د مالیې وزارت نوماند وزیر او سرپرست ښاغلي عبدالهادي ارغندیوال د وږې میاشتې په ۵ مه نېټه د بدخشان ولایت له قومي مشرانو او مخورو سره په مالیې وزارت کې وپه پیل کې د بدخشان ولایت د شهدا ولسوالۍ او څلورو نورو ولسوالی اوسېدونکو د ۴۰ کیلومتره سړک جوړولو چې د شهدا ولسوالي له نورو ولسوالیو سره نښلوي خبرې وکړې. هغو په دوو پړاوونو کې د دې سړک د جوړېدو غوښتونکي شول او زیاته یې کړه، چې د یاد سړک لومړنۍ چارې د ټولګټو وزارت له لوري بشپړې شوې دي او دوی په دې برخه کې د مالیې وزارت د بودیجوي همکاریو غوښتونکي دي.
د مالیې وزارت سرپرست وویل، چې زموږ زیاته پاملرنه هغو ولسوالیو ته ده، چې تر دې دمه په ټیټه کچه پراختیایي پروژې پکي پلي شوي دي او ترڅنګ یې په پام کې لرو څو د راتلوونکي کال په ملي بودیجه کې کم پراختیا ولسوالیو ته زیاته پاملرنه وکړو. همدا راز د مالیې وزارت سرپرست وویل، چې د روان مالي کال په اوږدو کې د کرونا ناروغۍ زموږ د ملي عوایدو په راټولېدو منفي اغېز غوړولی، خو له دې سره یې بیا هم د مالیې وزارت بودیجې لوی ریاست ته سپارښتنه وکړه، څو د امکان په صورت کې د ۲۰ کیلو متره سړک جوړولو ته اړینه بودیجه په پام کې ونیسي. که چېرته په روان کال کې بودیجوي امکانات شتون ونه لري، دغه بودیجه دې د را تلوونکي کال په لومړیو شپږو میاشتې کې په پام کې ونیول شي او د پاتې سړک د بشپړولو لپاره به د راتلونکي کال تر پایه بودیجوي امکاناتو ته په کتو ګام پورته شي.
په پای کې د بدخشان ولایت مشرانو او قومي مخورو د مالیې وزارت له سرپرست څخه مننه وکړه او زیاته یې کړه، چې د یاد سړک له جوړولو سره د بدخشان ولایت خلکو ته اسانتیاوې رامنځته کېږي.
