د مالیې وزارت سرپرست په هندوستان کې د افغانستان له سفیر سره ولیدل
د مالیې وزارت سرپرست محمد خالد پاینده، په هندوستان کې د افغانستان له سفیر فرید ماموندزي، سره د مالیې په وزارت کې لیدنه او خبرې وکړې.
په دې لیدنه کې چې د مالیې وزارت د پالیسۍ مرستیال نذیر کبیري هم حضور درلود، دواړو لوریو د افغانستان او هندوستان ترمنځ د اړیکو په لا پیاوړي کولو، د ۲۰۲۰ کنفرانس د ژمنو په پلي کولو، په افغانستان کې د پانګونې په فرصتونو، د افغانستان لپاره د هندي شرکتونو د پانګې په جذب او جلب د افغانستان د سفارت په هڅو او نورو اړوندو مسایلو په تړاو بحث او د نظرونو تبادله وکړه.
