د مالیې وزارت سرپرست د کابل له ګمرک څخه لیدنه وکړه
د مالیې وزارت سرپرست محمد خالد پاینده، نن په ناڅاپي توګه د کابل له ګمرک څخه لیدنه وکړه.
په دې لیدنه کې چې د مالیې وزارت د ګمرکونو عمومي رئیسې آمنه احمدي، د دفتر عمومي رئیس عبدالخالق سرابي، د مالیې وزارت یو شمېر رئیسانو او کارکوونکو یې ملتیا کوله، د هغو موټرونو ارزونه او لیدنه وکړه، چې د کورنیو چارو وزارت د جرایم سنګین ریاست له لوري په یاد ګمرک کې د قاچاق او ناقانونه توکو د را واردولو په تور نیول شوي ول. همدارنګه نوموړي له موټر چلوونکو سره له نږدې وکتل او د هغوی ستونزې یې واورېدې، ترڅنګ یې د ځینو اجرایي کارونو لیدنه وکړه او مسؤلینو ته یې لازمې لارښوونې وکړې.
