د مالیې وزارت سرپرست د ټاکنو خپلواک کمېسیون او د ټاکنیزو شکایتونو خپلواک کمېسیون له رئیسانو سره ولیدل
د مالیې وزارت سرپرست محمد خالد پاینده، د ټاکنو خپلواک کمېسیون له رئیس اورنګ زېب او د ټاکنیزو شکایتونو اورېدو خپلواک کمېسیون له رئیسې زهره بیان شینواري، سره د مالیې په وزارت کې لیدنه او خبرې وکړې.
په دې لیدنه کې دواړو لوریو د غزني ولایت د پارلماني ټاکنو تر سره کېدو لپاره د ټاکنو خپلواک کمېسیون د تخنیکي چمتووالي، د کابل، کندهار، بغلان او مزارشریف ولایتونو د ښاروالیو د ټاکنو، د کارکوونکو د معاشونو او امتیازي موضوعاتو په حل لارو او یو شمېر نورو ورته مسایلو په تړاو خبرې او د نظرونو تبادله وکړه.
