د مالیې وزارت سرپرست د دغه وزارت مسؤلینو او کارکوونکو سره لیدنه او د اختر مبارکي وکړه
د مالیې وزارت سرپرست محمد خالد پاینده نن په یوه غونډه کې د دغه وزارت مسؤلینو او کارکوونکو سره لیدنه او د اختر مبارکي وکړه.
په دغه لیدنه کې چې د مالیې وزارت د پالیسۍ مرستیال او یو شمېر رئیسانو هم شتون درلود په پیل کې د مالیې وزارت سرپرست د دغه وزارت کارکوونکو ته د نېکمرغه کوچني اختر مبارکي وویله او ورته یې په ټولو چارو کې د بریا هیله وکړه.
د مالیې وزارت سرپرست یادونه وکړه چې د دغه وزارت ټول کارکوونکي باید د وزارت موخو ته د رسېدلو په خاطر لا ډېره هڅه وکړي او زیاته یې کړه چې د عایداتي سرچینو کارکوونکي باید له پخوا ډېر د ۱۴۰۰ کال د عوایدو په راڼه ډول راټولولو کې هلې ځلې وکړي.
دغه راز د مالیې وزارت سرپرست د ګمرکونو د ساتنې د قطعې له منسوبینو سره هم لیدنه او اختر مبارکي وکړه.