د مالیې وزارت سرپرست د ترانسپورټ وزارت له مسؤلینو سره وکتل
د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، نن د زمري میاشتې په ۲مه نېټه د ترانسپورټ وزارت له مسؤلینو سره وکتل.
په دې کتنه کې د مالیې وزارت سرپرست له هغوی سره د هغو بار وړنکو موټرو په اړه چې نمبر پلیټ نلري او له ملي عوایدو سره تیښته کوي، د هغو باروړنکو موټرو په تګ راتګ چې د افغانستان او پاکستان له نمبر پلیټونو څخه ګټه اخلي ( دوه نمبر پلیټ داره موټرونه) د بار وړنکو موټرو د تراکم کموالي او د اړوندو چارو د ښه کیدو په موخه اسلام کلا ته د ترانسپورټ مدیریت په لیږد او له دیورند څخه تر بندوالي پورې د ریل پټلۍ په جوړیدو بحث او د نظرونو تبادله وکړه.
د مالیې وزارت سرپرست هدایت ورکړ چې له دیورند څخه تر بندوالي پورې د ریل پټلۍ پروژې لپاره دې د اړتیا وړ بودیجه ولټول شي.
