د مالیې وزارت او د افغانستان بانک د مالي سیسټمونو د بیا نښلولو په موخه ناسته وسوه!
په رڼه توګه د ملي عوایدو د راټولولو، مالیه ورکونکو ته د لا اسانتیاوو رامنځته کولو او د ټولو اړینو لګښتونو او معاشونو د ښه او پر وخت اجرا کېدلو په موخه؛ د مالیې وزارت د پالیسۍ معین انجنیر سلطان محمد زبیر په مشرۍ او ددغه وزارت او د افغانستان بانک د سیسټمونو د مسؤلینو په ګډون، د دواړو ادارو د مالي سیسټمونو له سره د بیا نښلولو په موخه ناسته وسوه.
په دغه ګډه ناسته کي، د مالیې وزارت د افمس، سیکټاس او اسیکوډا سیسټمونو سره بیا ځلي، په ښه معیار او قوي ملاتړ د بین البانکي تادیاتو سیسټم او د افغانستان بانک د (APS) سیسټم د نښلولو په اړه خبري وسوې او پرېکړه وسوه؛ چي د یو لړ تخنیکي مسایلو له حل وروسته به یاد سیسټمونو سره ونښلول سي، چي ورسره به په ملي کچه په اړوندو برخو کي اړیني اسانتیاوي رامنځته سي.
