د مالیې وزارت او د ازموینو ملي ادارې ترمنځ د ازموینو اخیستلو هوکړه لیک لاسلیک سو!
د مالیې وزارت له لوري د مسلکي اشخاصو د ګمارني، کار اهل د کار ته د سپارلو، د ازموینو په پروسه کي د بشپړې روڼتیا او عدالت د رامنځته کولو او د یوې تل پاتي مسلکي ادارې د جووړلو په موخه؛ د دغه وزارت په بیلابیلو بستونو کي د ګمارنو لپاره د ټولو ازموینو د اخیستلو هوکړه لیک، د ازموینو له ملي ادارې سره لاسلیک سو.
د رڼو او مسلکي ازموینو د اخیستلو له دغه هوکړه لیک سره به، له دې وروسته په مالیې وزارت کي د ګمارنو ټولي ازمویني د یادې ادارې له لوري په معیاري، مسلکي او ښه ډول سره اخیستل کیږي.
د یادوني وړ ده، چي د ریاست الوزرا د عالي مقام له حکم سره سم، د ازموینو په پروسه کي د روڼتیا او دقت په موخه، ټولي دولتي ادارې باید د ګمارنو اړوند ټولي ازمویني د ازموینو ملي ادارې په همکارۍ سره ترسره کړي.
