د مالیې وزارت او البیروني پوهنتون ترمنځ د همکارۍ دوه اړخیز هوکړه لیک لاسلیک سو!
د مالیې وزارت او البیروني پوهنتون ترمنځ، د علمي او مسلکي ظرفیت لوړوني په موخه د همکاریو دوه اړخیز هوکړه لیک لاسلیک سو.
یاد هوکړه لیک، د مالیې وزارت د بشري سرچینو د رئیس مولوي احمد شاه شاکر او د البیروني پوهنتون د محصلینو چارو د رئیس مشتاق حقیار له لوري لاسلیک سو، چي پر بنسټ به ئې اړتیا ته په کتو د مالیې وزارت هغه کارکوونکي، چي د علمي زده کړو په برخه کي ظرفیت لوړولو ته اړتیا ولري، البیروني پوهنتون ته ور پېژندل کېږي؛ همدا راز به د یاد پوهنتون محصلین د عملي او مسلکي زده کړو او تجربو حاصلولو په موخه، مالیې وزارت ته ور پېژندل کېږي.
د علمي او مسلکي همکاریو له دغي دوه اړخیزي هوکړي سره به د مالیې وزارت د کارکوونکو، علمي او مسلکي ظرفیت لوړ سي، همدا رنګه به نويو فارغ سوو محصلینو ته د عملي زده کړو او اړینو تجربو ترلاسه کولو ښه زمینه هم برابره سي.
