د عوایدو لوی ریاست رهبري پلاوي د یو لړ مهمو عوایدي او مالیاتي مسائلو په تړاو ناسته وکړه!
د مالیې وزارت د عوایدو لوی رئیس الحاج شېر محمد مشفق په مشرۍ او د یاد ریاست د ټولو رئیسانو او آمرینو په ګډون، ددې ریاست د رهبرۍ پلاوي په نهمه ناسته کي د یو لړ مهمو عوایدي او مالیاتي مسائلو په تړاو خبري وسوې.
په دغه ناسته کي د (۱۴۰۲هـ.ل) مالي کال لپاره ټاکل سوي عوایدي هدف ته د رسېدو پر څرنګوالي، د زرګرانو د مالیاتو، د ګروي په نوم د سهم کرايې د ماليې له منځه تللو، د صرافانو د مالیاتو د تثبیت پروسې پر څرنګوالي، په سرپل ولایت کي د (RMIS) سیسټم له لاري د یوزرونو د وېش او یو لړ نورو مهمو موضوعاتو باندي بحث او خبري وسوې .
د یادوني وړ ده، چي د عوایدو لوی ریاست د تېرو دوو کلونو په موده کي د هیواد په ټولو مستوفیتونو او اړوندو ادارو کي د پرلپسې روزنیزو پروګرامونو چمتوکولو، د کارکوونکو د وړتیا لوړولو او کار اهل کار ته د سپارلو په پایله کي، سږکال د ګڼ شمېر مثبتو بدلونونو او لاسته راوړنو شاهد دئ.