د سپین بولدک په ګمرک کي (۲۳۵۰) کارټنه قاچاقي او بې کیفیته درمل وسوځول سول
د مرغومي ۱۷مه ۱۴۰۴هـ.ل
د کندهار ولایت د سپین بولدک په ګمرک کي (۲۳۵۰) کارټنه د خورا ښکته کیفیته لرونکي درمل، چي په قاچاقي لارو افغانستان ته راوړل سوي ول، د محکمې د حکم له مخي د کندهار ولایت د بېلابېلو اړوندو ادارو د با صلاحیته استازو په حضور کي وسوځول سول.
د یادو درملو زیاته برخه د سپین بولدک ګمرک د کارکوونکو او یوه اندازه نور ئې د اړوندو امنیتي ادارو له لوري نیول سوي ول.
د یادوني وړ ده، چي اوس مهال د هیواد په ټولو ګمرکونو او لویو لارو کي وارداتي او صادراتي توکي په کلکه څارل کېږي او هیچاته اجازه نه ورکول کېږي، چي قاچاقي او ممنوعه توکي ولېږدوي.
