د سپین بولدک په ګمرک کي دوهمه انالوګ تله فعاله سوه
د ګمرکونو لوی ریاست د کندهار ولایت د سپین بولدک په سرحدي ګمرک کي د وارداتي او صادراتي توکو لپاره دوهمه انالوګ تله ترمیم او ګټي اخيستني ته وسپارله.
یاده انالوګ تله د وارداتي او صادراتي توکو دقیق وزن معلوموي، چي له دې سره به د ملي عوایدو له ضایع کېدو او اضافه وزن څخه مخنیوی وسي.
دا تله (۲۲) متره اوږد والی لري، له دې وړاندي غیر فعاله وه، چي د ګمرکونو لوی ریاست د سوداګریزو توکو د چټک طی مراحلو په موخه بيا ځلي فعاله او ګټي اخیستني ته وسپارله.
