د روان مالي کال د تعرفې کمېټې پنځمه ناسته وسوه!
د روان مالي کال د تعرفې کمېټې پنځمه ناسته د ګمرکونو او عوایدو معین ښاغلي ملا عبدالقاهر ادریس په مشرۍ د یاد معینیت د غونډو په تالار کي وسوه.
په دې ناسته کي د افغانستان د صنعت او سوداګرۍ وزیر ښاغلي نورالدین عزیزي او د تعرفې کمېټې غړو هم ګډون کړی وو. د سوداګرو او صنعتکارانو د غوښتني له مخي د کورني تولید څخه د ملاتړ، د سوداګرۍ او دولتي عوایدو د ودي اصل ته په کتو سره د یو شمېر وارداتي اقلامو د ګمرکي تعرفې په اړه په لاندي ډول پرېکړي وسوې، چي د مالیې وزیر له منظورۍ وروسته به د هیواد په ټولو ګمرکونو کي د پلي کېدو وړ وي.
په ذکر سوو توکو باندي په داسي حال کي تعرفه لوړېږي، چي د دغو توکو بدیل خپله افغانستان لري، د هیواد دننه تولیدېږي او د هیوادوالو اړتیاوي پوره کولای سي.
