د حیرتانو په ګمرک کي جامع جومات پرانېستل سو
د حیرتانو په ګمرک کي یو ستر جامع جومات چي څلور میاشتي وړاندي یې د بنسټ ډبره ایښودل سوې وه، د یو لړ مراسمو په ترڅ کي د لمونځ کوونکو پر مخ پرانېستل سو.
د پرانېستي په دې مراسمو کي د بلخ ګمرک رئیس ښاغلي مولوي صفر محمد سحر او د یو شمېر سېمه ایزو ادارو مسؤلینو ګډون کړې وو.
په دې جومات کي چي د لمونځ کوونکو لپاره ټولي اسانتیاوي برابرې سوي، په یو وخت کي (۴۰۰) سوه لمونځ کوونکي ځایولای سي.
د یادوني وړ ده چي پر یاد جومات شاوخوا پنځه میلیونه افغانۍ لګښت راغلی، چي بودیجه یې د مالیې وزارت د داخلي بودیجې او یو شمېر سوداګرو له لوري تمویل سوې ده.
