د تورخم په ګمرک کي سلګونه جلده جعلي لایسنسونه ونیول سول!
د تورخم ګمرک د مسافرینو د محمولو د چک مدیریت له لوري (۳۹۰) جلده د موټر چلولو جعلي لایسنسونه کشف او ونیول سول.
دغه لایسنسونه په ډېر مهارت سره د مسافرینو د وسایلو د لېږد په وسیله (بیک) کي ځای پر ځای سوي ول او جعل کارانو غوښتل، چي له ګاونډي هیواد پاکستان څخه ئې په پټه افغانستان ته راوړي.
نیول سوي جعلي لایسنسونه او تورن کسان د نورو اجراآتو له پاره اړوندو پلټونکو ادارو ته سپارل سوي دي.
د مالیې وزارت د ګمرکونو ځیرک کارکوونکي هیڅ چاته د دې اجازه نه ورکوي، چي د هیواد د ګمرکونو له لاري غیر قانوني توکي ولېږدوي.
