د تورخم په سرحدي ګمرک کي سلګونه کیلو ګرامه قاچاق کېدونکي قیمتي او نیمه قیمتي ډبري ونیول سوې
د تورخم ګمرک د صادراتو برخي زړورو مسؤلینو د خپلو پلټنو پرمهال (۲۳۰۲) کیلو ګرامه قیمتي او نیمه قیمتي ډبري، چي په یوه بار وړونکي موټر کي په خورا ماهرانه ډول ځای پر ځای سوي وې، کشف او د قاچاق کېدو مخه ئې ونیوله.
په نیول سویو ډبرو کي ۳۲ کیلو ګرامه قیمتي او ۲۲۷۰ کیلو ګرامه نیمه قیمتي ډبري شاملي دي، چي قاچاق وړونکي غوښتل پاکستان هیواد ته ئې ولېږدوي.
اوس مهال د هیواد ټول ګمرکونه د ممنوعه او قاچاقي توکو په صادرولو او واردولو کلکه څارنه لري او په دې برخه کي د ښو لاسته راوړنو ترڅنګ به هیڅ چاته د نا قانونه کړنو اجازه ورنه کړي.
