د بانکونو د اتحادیې له مسؤلینو سره د مالیاتي مسایلو په اړه ناسته وسوه!
د مالیې وزارت د عوایدو لوی رئیس حافظ مولوي شاه حسین حسیني په مشرۍ، د بانکونو د اتحادیې له مسؤلینو سره د مالیاتي مسایلو په اړه ناسته وسوه
په دغه ناسته کي د بانکونو اتحادیې له مسؤلینو سره په مالیاتي برخه کي د اصولي، پر وخت او شفافو چارو د ترسره کولو، په اړونده برخه کي سته ستونزو ته د مناسبو حل لارو پر رابرسیره کولو او د دواړو لوریو تر منځ د لا ښې همغږۍ د رامنځته کېدلو په تړاو خبري وسوې.
په دې ناسته کي د اړوندو چارو د لا ښه والي په موخه د غونډي د ګډونوالو له لوري ستونزي او وړاندیزونه شریک سول، چي ستونزو ته د ښې رسېدني له پاره د عوایدو لوی ریاست او د بانکونو د اتحادیې ترمنځ ګډي کاري کمیټې ته دنده وسپارل سوه، چي سته ستونزي او د چارو د لا پرمختګ فرصتونه وڅېړي او د حل مناسبي لاري چارې ئې راتلونکي ګډي ناستي ته وړاندي کړي.
