د امربالمعروف او نهي عن المنکر د قانون پلي کولو پلاوي لسمه ناسته وسوه!
د غبرګولي ۲۸مه ۱۴۰۴هـ.ل
د عالیقدر امیرالمؤمنین (حفظه الله تعالی) په هدایت د امربالمعروف او نهي عن المنکر قانون د یوشان پلي کولو په موخه په وزارتونو کي خپلمنځي پلاوي ټاکل سوي دي.
مالیې وزارت هم د دغه قانون د ښه پلي کولو په موخه د اداري معین مولوي دوست محمد مخلص په مشرۍ او د دغه وزارت د دعوت او ارشاد رئیس مولوي عبدالهادي سیف الخالد، د دفتر لوی ریاست د اسنادو او اړیکو رئیس انجنیر ادیب الله محب، د کارکوونکو چارو ریاست کفیل او د ګومارني آمر مفتي نیاز محمد منصور او د دغه پلاوي نورو غړو په ګډون لسمه ناسته وکړه.
په دغه ناسته کي د اسلام له نظره د راز ساتني پر ارزښت او په ځانګړي ډول په یوه اداره کي د راز ساتني پر څرنګوالي هر اړخیز بحث او د نظرونو تبادله وسوه.
د یادوني وړ ده، چي د دغه لړۍ د لا ښه ترسراوي په موخه په هره ناسته کي د تېر مجلس د مواردو د اروزني ترڅنګ د هغوی تطبیق او تعقب هم ترسره کېږي او د راتلونکي ناستي له پاره هم یوه حیاتي او مهمه موضوع ټاکل کېږي.
