د امربالمعروف او نهي عن المنکر د قانون پلي کولو د استازو نهمه ناسته وسوه!
د غبرګولي ۶مه ۱۴۰۴هـ.ل
د عالیقدر امیرالمؤمنین (حفظ الله تعالی) په هدایت د امربالمعروف او نهي عن المنکر قانون د یوشان پلي کولو په موخه د وزارتونو ترمنځ استازي ټاکل سوي دي.
مالیې وزارت هم د دغه قانون د ښه پلي کولو په موخه د اداري معین مولوي دوست محمد مخلص په مشرۍ نهمه خپل منځي ناسته وکړه.
په دغه ناسته کي له خپل اداري دریځ، سیاسي دریځ، له اقتصادي او ټولنیز دریځ څخه د ناوړه ګټي اخیستني د مخنیوي په موخه د اسلامي شریعت د لارښوونو مطابق هر اړخیز بحث وسو او د احتمالي ستونزو د مخنیوي لاري وسنجول سوې.
د یادوني وړ ده، چي د دغې لړۍ د لا ښه ترسره کولو په موخه په هره ناسته کي د تېر مجلس د مواردو د ارزوني ترڅنګ د هغې تطبیق او تعقیب هم ترسره کېږي.
