د اسلام کلا په سرحدي ګمرک کي یوه اندازه تاریخ تېر خوراکي او غیر خوراکي توکي وسوځول سول!
د غويي ۹مه ۱۴۰۴هـ.ل
د هرات ولایت د اسلام کلا په سرحدي ګمرک کي له ولایتي ادارو سره په همغږۍ (۲۷) زره کیلو ګرامه تاریخ تېر خوراکي او غیر خوراکي توکي، چي د یاد ګمرک په هنګرونو کي ئې شتون درلود، د اړوندو ادارو د با صلاحیته استازو په حضور کي وسوځول سول.
د یادولو ده، چي د دغو توکو یوه اندازه ئې په قاچاقي ډول هیواد ته راوړل سوي ول او یوه اندازه ئې له بهرنیو هیوادونو څخه تاریخ تېر را وارد سوي ول، چي د ګمرک په هنګرونو کي ساتل کېدل.
