د اسلامي هيوادونو د مالیاتي ادارو ټولني آنلاین ویډیویي کنفرانس ترسره سو
د افغانستان د مالیې وزارت د گمرکونو او عوايدو معينيت د عوایدو لوی ریاست رهبرۍ د اسلامي هيوادونو د مالیاتي ادارو ټولني د غړو هيوادونو له استازو سره په آنلاین ویډیویي کنفرانس کي گډون وکړ.
دغه آنلاین ویډیويي کنفرانس چي د اسلامي هيوادونو د مالیاتي ادارو ټولني له خوا جوړ سوی وو، د افغانستان په استازولۍ د مالیې وزارت د عوایدو لوی ریاست کفیل او عملیاتي مرستیال معراج محمد معراج، د دغه رياست تخنيکي مرستيال عبدالولي نوري او د عوایدو د حقوقي خدمتونو رئیس ندا محمد صدیقي برخه اخيستې وه.
د دې کنفرانس په پیل کي د اسلامي هيوادونو د مالياتي ادارو ټولني رئیسې آغلي روغیه محمد صالح، ټولو گډونوالو ته د ښه راغلاست ترڅنګ زیاته کړه، چي په دې کنفرانس کي به د مالیاتو په برخه کي د غړو هيوادونو تر منځ ښې همغږۍ رامنځته کېدو په څرنګوالي بحث او خبري وسي.
د يادولو وړ ده، چي په دې کنفرانس کي د دغي ټولني دېرشو غړيو گډون درلود.
