د ابو نصر فراهي ګمرک د لیلیې جوړولو چاري (۶۰) سلنه بشپړي سوي دي!
د مالیې وزارت د ګمرکونو لوی ریاست له لوري د ابو نصر فراهي په ګمرک کي د لیلیې د جوړولو پروژې چاري په چټکۍ سره رواني دي، چي تر دې مهاله (۶۰) سلنه پر مخ تللي او تر راتلونکو دریو میاشتو پوري به ګټي اخیستني ته وسپارل سي.
پر یادې پروژې څه باندې (۱۲.۸) میلیونه افغانۍ لګښت راځي، چي د مالیې وزارت له پراختیایي بودیجې څخه ورکول کیږي او چارې ئې هم د یو افغاني شرکت له لوري پرمخ وړل کیږي.
د یادوني وړ ده، چي د دغه پروژې چاري د (۱۴۰۲هـ.ل) مالي کال د لیندۍ په میاشت کي پیل سوي دي، چي د روان (۱۴۰۳) کال د لړم په میاشت کي به بشپړي او ګټي اخیستني ته وسپارل سي او ور سره به د یاد ګمرک کارکوونکو ته زیاتي اسانتیاوي رامنځته سي.
