حکومت او نړیوال همکاران باید طبیعي پېښو ته د رسېدو لپاره اغېزمن پروګرامونه ترلاس لاندي ونیسي
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د لېندۍ میاشتې په ۳ مه نېټه د نړیوال بانک له کاري ډلې سره په مالیه وزارت کې وکتل.
دغه ناسته چې د سږ کال ژمي او وروستیو احتمالي وچکالیو لپاره د پروګرام جوړولو په موخهله طبیعي پېښو سره مبارزې ته د چمتووالي لپاره ترسره شوه، دواړو لوریو له طبیعي پېښو سره د مبارزې، احتمالي وچکالۍ او د خوړو د خوندیتوب په تړاو خبرې وشوې او د نظر څرګندونې وشوې.
په دې ناسته کې د نړیوال بانک ټیم ټینګار وکړ، چې له طبیعي پېښو سره د مبارزې لپاره باید مخکنی چمتو والی ولرو، څو د افغانستان حکومت وکولی شي له طبیعې پېښو را ولاړ زیانونه ټیټې کچې ته ورسوي. هغوی زیاته کړه، هغه سیمې او کلي چې له احتمالي وچکالۍ او د خوړو له نهخوندیتوبسره مخ دي وپېژندل شي څو وکولی شو د دقیق پلان او پروګرام له مخې له خلکو سره مرسته وکړو او له شته وړتیاوو په ګټه اخیستنه له ستونزو او طبیعي پېښو سره مبارزه وکړو.
د مالیې وزارت سرپرست وویل، چې د افغانستان حکومت دې مسئلې ته چمتووالی لري او اړوند موضوعات به د بېوزلۍ کمولو عالي شورای ته وړاندی کړي، څو د شورای نظرونه واخیستل شي. همدا شان اړوندې ادارې باید له مرسته کوونکو بنسټونو سره له نږدې کار وکړي، څو د زیانمنو سیمو اړتیاوې وپېژندل شي او زموږ پروګرامونو له وضعیت سره متناسب او ځواب ویونکي وي.
