تېره اوونۍ د هیواد په بېلابېلو ولایتونو کي زیاته اندازه قاچاقي توکي نیول سوي دي!

د زمري ۹مه ۱۴۰۴هـ.ل

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د فراه، کندهار، نیمروز، ننګرهار او هلمند ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته راوړي.
په نیول سویو توکو کي (۷۵۲۳) کیلو ګرامه چاکلېټ، (۱۹۱۱) کیلو ګرامه انساني طبي درمل، (۲۲۱۴) کیلو ګرامه زراعتي درمل، (۱۶۸۰) کیلو ګرامه ښیښه یي مردکۍ، (۱۱۱۰) کیلو ګرامه رُب، (۱۰۰۰) کیلو ګرامه شامپو، (۱۶۲۰) کیلو ګرامه تمباکو، (۱۱۰۰) کیلو ګرامه مالګه، (۲۵۶۵) کیلو ګرامه مۍ/ماش، (۸۷۵) کیلو ګرامه خام نخود، (۶۲۵) کیلو ګرامه وچي شیدې، (۵۲۰) کیلو ګرامه د دېګ مساله، (۲۴۰) کیلو ګرامه ژاولي، (۱۶۸) کیلو ګرامه مکروني او (۷۵) کیلو ګرامه بيسکوټ شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارنه کوي او هیچا ته اجازه نه ورکوي، چي ممنوعه او قاچاقي توکي ولېږدوي.